Opninga av Fruitility

Av Tony Harrison / Gjendiktet av Åsmund Bjørnstad

 

For ei strålande gåve frå Gaia:

bringebær hauga på papaya!

Eg jagar vekk all sjelas verk

med slik ein frukostfrisk tallerk,

eg ser – og lèt ein takk bli sagt

for Jordas frukt, pluss flyets frakt

som bar min frukost i eins ærend

gjennom tropo- og stratosfæren.

Og med i min papayasong

er han som la den i kartong,

på jobb for ein hawaiisk groar

på Kipahula eller Pahoa,

ein produsent som engsteleg granskar

ein skyfri himmels nye vanskar,

at varminga skal gjere det hottar

enn papayaen hans har godt av.

(…)

 

Opninga av langdiktet Fruitility av Tony Harrison (f.1937), hentet fra Collected Poems, s.355. Viking/Penguin 2007. / Vi takker gjendikter Åsmund Bjørnstad for å få publisere åpningen av diktet.