Alt er far / Paal-Helge Haugen

Alt er far:

etter tunge isskreier, dei hòlka

lendet ut, runda det, slipte

Vi går i ein kvelv, eit avtrykk:

den store gjennomsiktige kuldens

negativbilete

Ennå i mjuke sommarkveldar

kan du ane

ein glasial pust

På botnen finst det tolmodige livet

lavets kodemelding

ei skrift på steintavler

som lyset les av

eller fingertuppane dine

Eit mønster av tid

Eit stjernebilete under handa

Lavet: sopp og alge

dei bur i kvarandre

Utan kvarandre

ville dei døy

Det er ei langsam kjærleiksakt

under oss, over alt

Reinmosens små blåseinstrument

tonar kvelden inn

For å høyre det

må du bøye kne