RUDI Økland

/ Foto: Terje Rudi

 

Avfallssortering
(utopi)

 

All brukt skepsis

ned i den grå restavfallsdunken.

All brukt tillit

ned i den blå papiravfallsdunken.

Alt brukt liv

ned  den brune bioavfallsdunken.

Kan det bli betre?

         Nei.

Dunktømming etter tur

tredje kvar fredag.

Nytømd dunk i retur

tredje kvar fredag.

Kan det bli betre?

         Nei.

 

Ikkje før dunkane

står heilt tomme

før  dei skal tømast,

kan det bli betre.

 

/

Einar Økland (f.1940) har sidan debuten i 1963 gitt ut nærmare 80 bøker innafor dei fleste sjangrar og motteke ei lang rekkje prisar, m.a. Doblougprisen i 2000 og Gyldendalprisen i 2006.

Økland er frå Valevåg i Sveio, og er utdanna psykolog. Han debuterte som forfattar med diktsamlinga Ein gul dag i 1963 og har seinare følgt opp med romanar, skodespel, essay og barnebøker. I tillegg har han gjendikta store mengder utanlandsk lyrikk og poesi og vore ein sentral skikkelse i dei litterære tidsskrifta Profil og Basar. Siste bok: Norwegen, schönes Land (2017). / Samlaget bidrar med honorarstøtte til sine forfattere på denne nettsiden. Vi takker for dikt!